Sallar Jana’iza: Fakarta Da Wasu Hukunce-Hukunce Da Suka Shafe Ta

311
9
SHARE

Assalamu alaikum
Malam Don Allah ina so ka yi mana bayani akan sallar gawa domin gaskiya mutane da yawa bamu san yadda ake yin sallar ba illa muna tsaye ne kawai har a gama, abin yanada muni sosai ba kadan ba.

AMSA:

وعليكم السلام ورحمة الله.
ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ، ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻭﻋﻠﻰ ﺁﻟﻪ ﻭﺻﺤﺒﻪ ﺃﺟﻤﻌﻴﻦ، ﻭﺑﺎﻟﻠﻪ ﺍﻟﺘﻮﻓﻴﻖ،

Manzon Allah (sallallahu alaihi Wa sallam) da Sahabbansa (radiyallahu anhum) sunyi bayanin yadda ake yin Sallar Gawa. Ana yinta ne babu ruku’u babu sujuda. Kuma ana yinta ne kamar haka:

YADDA AKE SALLAR JANA’IZA

*1. Za ka yi kabbara ta farko kace _*Allahu Akbar*_ sannan kace _*A’uzhu billahi minasshaydanir rajiim*_ sannan kace _*Bismillahir rahmanirrahiim*_ sannan ka karanta _*Suratul Fatiha*_ sannan ka karanta _*gajeruwar Surah ko wasu ayoyi.*_

*2.* Sannan kayi kabbara ta biyu kace _*Allahu Akbar*_ sannan kayiwa Annabi salati, irin Wanda akeyi bayan tahiya cikin sallah.

*3.* Sannan kayi kabbara ta uku, kace _*Allahu Akbar*_ sannan kayiwa mamaci addu’a, wannan itace addu’ar da aka karbo daga Manzon Allah (sallallahu alaihi Wa sallam) kuma itace tafi inganci:

_“`ﺍﻟﻠﻬﻢ ﺍﻏﻔﺮ ﻟﺤﻴﻨﺎ ﻭﻣﻴﺘﻨﺎ ﻭﺷﺎﻫﺪﻧﺎ ﻭﻏﺎﺋﺒﻨﺎ ﻭﺻﻐﻴﺮﻧﺎ ﻭﻛﺒﻴﺮﻧﺎ ﻭﺫﻛﺮﻧﺎ ﻭﺃﻧﺜﺎﻧﺎ، ﺍﻟﻠﻬﻢ ﻣﻦ ﺃﺣﻴﻴﺘﻪ ﻣﻨﺎ ﻓﺄﺣﻴﻪ ﻋﻠﻰ ﺍﻹﺳﻼﻡ ﻭﻣﻦ ﺗﻮﻓﻴﺘﻪ ﻣﻨﺎ ﻓﺘﻮﻓﻪ ﻋﻠﻰ ﺍﻹﻳﻤﺎﻥ، ﺍﻟﻠﻬﻢ ﺍﻏﻔﺮ ﻟﻪ ﻭﺍﺭﺣﻤﻪ، ﻭﻋﺎﻓﻪ ﻭﺍﻋﻒ ﻋﻨﻪ، ﻭﺃﻛﺮﻡ ﻧﺰﻟﻪ، ﻭﻭﺳﻊ ﻣﺪﺧﻠﻪ، ﻭﺍﻏﺴﻠﻪ ﺑﺎﻟﻤﺎﺀ ﻭﺍﻟﺜﻠﺞ ﻭﺍﻟﺒﺮﺩ، ﻭﻧﻘﻪ ﻣﻦ ﺍﻟﺨﻄﺎﻳﺎ ﻛﻤﺎ ﻳﻨﻘﻰ ﺍﻟﺜﻮﺏ ﺍﻷﺑﻴﺾ ﻣﻦ ﺍﻟﺪﻧﺲ، ﺍﻟﻠﻬﻢ ﺃﺑﺪﻟﻪ ﺩﺍﺭﺍً ﺧﻴﺮﺍً ﻣﻦ ﺩﺍﺭﻩ ﻭﺃﻫﻼً ﺧﻴﺮﺍً ﻣﻦ ﺃﻫﻠﻪ، ﺍﻟﻠﻬﻢ ﺃﺩﺧﻠﻪ ﺍﻟﺠﻨﺔ ﻭﺃﻋﺬﻩ ﻣﻦ ﻋﺬﺍﺏ ﺍﻟﻘﺒﺮ ﻭﻣﻦ ﻋﺬﺍﺏ ﺍﻟﻨﺎﺭ ﻭﺍﻓﺴﺢ ﻟﻪ ﻓﻲ ﻗﺒﺮﻩ ﻭﻧﻮﺭ ﻟﻪ ﻓﻴﻪ، ﺍﻟﻠﻬﻢ ﻻ ﺗﺤﺮﻣﻨﺎ ﺃﺟﺮﻩ، ﻭﻻ ﺗﻀﻠﻨﺎ ﺑﻌﺪﻩ.“`_

_*“Allaahumma ighfir li hayyinã wa mayyitinã wa shaahidinã wa ghaa’ibinã wa sageerina wa kabeerinã wa zakarinã wa unthaanã.*_

_*Allaahumma man ahyaytahu minnã fa ahyihi alal-Islam wa man tawaffaytahu minnã fa tawiffahu alal-imaan.*_

_*Allaahumma ighfir lahu warhamhu wa aafihi wa a’fu anhu, wa akrim nuzulahu wa wassi’i madkhalahu wagsilhu bil-maa’i wal-salju wal-barad, wa naqqihi minal khaadaaya kamã yunaqqaal thawbal abyadu minal danas.*_

_*Allaahumma abdilhu daaran khayran min daarihi wa ahlan khayran min ahlihi.*_
_*Allaahumma adkhilhu al-jannah wa a’izhu min azaabal qabri wa min azaabin naar wa afsah lahu fi qabrihi wa nawwir lahu fihi.*_

_*Allaahumma laa tahrimna ajrahu wa laa tadillanaa ba’dahu.”*_

Idan mutum yayi addu’a da wash kalmomi babu laifi a hakan. Kamar yace:

_“`ﺍﻟﻠﻬﻢ ﺇﻥ ﻛﺎﻥ ﻣﺤﺴﻨﺎً ﻓﺰﺩ ﻓﻲ ﺇﺣﺴﺎﻧﻪ، ﻭﺇﻥ ﻛﺎﻥ ﻣﺴﻴﺌﺎً ﻓﺘﺠﺎﻭﺯ ﻋﻦ ﺳﻴﺌﺎﺗﻪ، ﺍﻟﻠﻬﻢ ﺍﻏﻔﺮ ﻟﻪ ﻭﺛﺒﺘﻪ ﺑﺎﻟﻘﻮﻝ ﺍﻟﺜﺎﺑﺖ.“`_

_*“Allaahumma in kaana muhsinan fa zid fi ihsaanihi wa in kaana musee’an fa tajaawaz an sayi’aatihi.*_

_*Allaahumma ighfir lahu wa thabbit-hu bil-qawlil-thaabit.”*_

*4.* Sannan kayi kabbara ta hudu kace _*Allahu Akbar*_ sai kayi shiru na dan lokaci kadan, sannan saika sallame a gefenka na dama kace _*Assalamu alaikum wa rahmatullahi.*_

Wannan shine takaitaccen abinda ya tabbata a Sunnah na Sallar gawa.

_Kitaab Majmu’ul Fataawa wa Maqaalaat Mutanawwi’ah li samaahatal Shaykh Abd al-Azeez ibn Abd-Allaah ibn Baaz (rahimahullah) Mujalladi na 13, shafi na 14}

*FALALA DA WASU HUKUNCE-HUKUNCEN DA SUKA SHAFI SALLAR JANA’IZA*

Sallar Jana’iza fard kifaya ce wato wani yana iya daukewa wani saidai idan ba’a samu wadanda suka yi ba to gaba daya al’ummar wajen sun sabawa Allah. Haka kuma halartar sallar jana’izar musulmi hakki ne akan dan uwansa musulmi. [Bukhari 1240, Muslim 5701]

Sa’annan kuma bayan kammala sallar jana’izar akwai dimbin falala a cikin raka gawar zuwa makwancinta. Annabi (sallallahu alaihi wasallam) yace: ”

” *Duk wanda yaje aka sallaci gawa tare dashi yana da ladar Qirad daya idan kuma ya raka gawar zuwa makabarta to yana da ladar Qirad biyu. Sai sahabbansa suka tambaye shi (Manzon Allah) menene Qirad? Sai yace: “Qirad daya shine girman dutsen Uhud* “.

[Al-Bukhaari (1325) and Muslim (945)]

*Addu’ar shiga makabarta*

ﺍﻟﺴَّﻼﻡُ ﻋَﻠَﻴْﻜُﻢْ ﺃَﻫْﻞَ ﺍﻟﺪِّﻳَﺎﺭِ ﻣِﻦَ ﺍﻟْﻤُﺆْﻣِﻨِﻴﻦَ ﻭَﺍﻟْﻤُﺴْﻠِﻤِﻴﻦَ ، ﻭَﺇِﻧَّﺎ ﺇِﻥْ ﺷَﺎﺀَ ﺍﻟﻠﻪُ ﺑِﻜُﻢْ ﻟَﻠَﺎﺣِﻘُﻮﻥَ ، ﻧَﺴْﺄَﻝُ ﺍﻟﻠﻪَ ﻟَﻨَﺎ ﻭَﻟَﻜُﻢُ ﺍﻟْﻌَﺎﻓِﻴَﺔ

*”Assalaamu alaykum ahlad-diyaari minal mu’umineena wal-muslimeena, wa in-naa in shaa-Allaahu bikum la-laaḥiquna, nas’alullaaha lanaa wa-lakumul-aafiyah”*

[Muslim 975, Nasa’i
2040, Ibn Majah 1547]

Sa’annan kuma mustahabbi ne cire takalma yayin shiga makabarta saidai in akwai wani abu mai cutarwa kamar zafin rana ko qayoyi da zasu iya yi maka illa da dadai sauransu to ba komai akanka ka shiga da abunka. *[Al-Mughni, Abu Dawud]*

*A lokacinda ake saka shi a makwancinsa sai masu saka shi suyi wannan addu’ar:*

ﺑِﺴْـﻢِ ﺍﻟﻠﻪِ ﻭَﻋَﻠـﻰ ﺳُـﻨَّﺔِ ﺭَﺳـﻮﻝِ ﺍﻟﻠﻪ

“Bismillahi Wa Ala Sunnati Rasulillahi”

[Abu Dawud, Ahmad, Nisa’i]

*Lokacinda kuma aka rufe shi, sai kowa yayi masa addu’a shi kadai kamar*:

ﺍﻟﻠَّﻬُﻢَّ ﺍﻏْﻔِﺮْ ﻟَﻪُ ﺍﻟَّﻠﻬُﻢَّ ﺛَﺒِّﺘْﻪُ

Allahummaghfir lahu Allahumma sabbithu.

[Abu Dawud, Hakim]

*Kowa zai yi tashi addu’ar ne shi kadai ta nemawa mamacin gafara.*

Domin samun wadannan bayanan dama wasunsu da kuma wadannan hadisan sai a binciki *Al-Mughni* Ibn Qudamah, Kitab al- Jana’iza a cikin *Bulughul Maram*, littafin *Hisnul Muslim*.

In shaa Allahu wannan shine dan takaitaccen bayani akan sallar jana’iza daga lokacinda aka fara yi masa sallah har izuwa kai shi makwancinsa.

*’YAN UWANA MATASA*

Mu tashi mu nemi ilimi, lokacinnan mutuwa ta yawaita kuma a duk lokacinda akayi mutuwa zamu ga yawanci mune matasa ke tururuwa zuwa sallar jana’izar, amma kuma da yawa daga cikinmu bamu san me zamu fada ba tun daga fara sallar har izuwa kai mamacin makwancinsa. Sa’annan wasu kuma basa zuwa sallar jana’izar to gaskiya irin wadannan matasan muji tsoron Allah mu dinga halarta domin mu sauke wancan hakkin na musulmi akan dan uwansa musulmi da kuma samun wannan dimbin falalar dake a cikin sallatar gawa har izuwa kai ta qabarinta.Gaskiya mu tashi zuwa neman ilimi ‘yan uwana matasa.

Da yardar Allah anan muka kawo karshen wannan bayani akan sallar jana’iza da kuma wasu hukunce-hukuncenta.

Muna rokon Allah madaukakin sarki ya karbi ayyukanmu na alkhairi, kuskure kuma daga gare mu ne, muna rokon Allah ya shafe shi a zukatanmu da na wadanda suka ji ya yafe mana gaba dayanmu. Allah ya bamu ilimi mai yawa mai amfani mai albarka. Allah yasa mu cika da imani.

rariya

 

9 COMMENTS

  1. Assalamu alaikm malam kuma kamar addu’ar da ake bayan anbinne mamaci yaya akeyinta ? atsaye ko azaune kuma ina ake fuskata

LEAVE A REPLY